係90年我由屯門搬左去沙田，開頭過幾個月都冇咩事情發生既，直至有一晚我起身去完廁所之後，一打開度門既時候就見到祖先靈位有個披頭散髲既男人好惡甘對住我而且好似不停甘罵我。
當時我真係好驚，驚到馬上走返房扮訓覺，之後我每一晚大概3點左右就聽到廚房有人係到煮飯，刴肉碎既聲音。
開頭我都唔為意，但經過一個星期我就開始懷疑；有幾次我行入去睇下d聲音究竟係唔係由上面或者係下面傳過黎既，但好可惜當我每一次走過去既時侯就咩都聽唔到，但當我一走開d聲音又黎呀，之後我再冇理佢啦，有一日我問阿媽有冇聽過呢d聲？
然後我阿媽就叫我唔好甘多事，可能樓上有人煮飯囉，佢就係甘打發左我啦!
我唔知呢兩件事有沒有關連，但我可以肯定既…就係我屋企多左個朋友或者係兩個，不過近呢6年黎我再冇聽過或者見到佢地出現，可能他們已經去左第二度囉！如果係真的話未賞唔係一件好事…
Ray Cheung
香港陰陽眼協會 副會長
他終於向我方向望過來了，我甚麼也看不見，只見帽子下好像有塊灰灰的臉吧！此時此刻，也不到我去考慮向前走或退回房間，因為我雙腳已經不能移動了！正當我不知如何是好的時候，他又慢慢將他的頭轉會去電梯口的方向繼續等待。看見他已回復原來狀態，我的雙腳又可以移動起來，更順著我剛才的意向踏出了一步。
我心想：
回去好嗎? 但如果他是人，這並不是很不禮貌？我還是決定繼續向前走 (現在回想起，也不明白為何當初有這樣大的膽子)！
這樣我便繼續向電梯方向走過去。
這樣子我又多走兩個房間的距離。就在這時候，他的頭又向我這邊轉過來，情況跟之前一模一樣，唯一不同的只是他的臉再次轉望到電梯時，我並未能像之前一樣可以即時移動，而是讓我眼睜睜的看著他，不動身體任何一部份情況下，整個人向後退，直至消失於我眼前！
正所謂，敵退我攻，我一股作氣的大步走到電梯大堂前﹝其實心裡害怕得要死哦！﹞，途中不斷跟自己說：没關事呀！他就是在等電梯而已，怕甚麼！他就是人！！！當我走到電梯前，看看電梯還有多久才到的時候…「天啊！真的没有按過電梯按鈕！去！還是回呢？」事已至始，我最後也是選擇繼續我的〝旅桯〞。當然最後我也是平安完成任務了。(完)
caltex wong
香港陰陽眼協會 公關
上回提到我跟同房被升級到另一層貴賓房，其實只是大一點而已；就是大一點，便足夠我們這班嘩鬼好好癲一回。有一位同事因患上感冒而留在房中休息，剛好我又有感冒沖劑，我便將藥包帶上去他的房間。
還清楚記得，當時時間是晚上十一時多，縱使房間有十多位同事，但他們情緒高漲，還是我一人上去可以了。我們的房間屬走廊尾段，由我房間到電梯位置大約有六至八個房間左右。當我一踏出房門，隨即看見一位全身黑色的，頭戴高身紳士帽，身穿「踢死兔」的男仕在電梯前等候……
不知怎的，雖然我跟紳士有一大段距離，但心裡〝噗、噗、噗〞的跳，好怕好怕！好想返回房間內，但怎跟他們說呢？因為有人等電梯所以很怕，不是吧！那我只好硬著頭皮，一步一步的走向電梯大堂。
當我走過了兩個房間的距離時，我又再停下腳步猶疑是否應該再向前行之際，紳士的動作更令我好像跌進了另一個空間似的，没有聲音，没有呼吸，對！就是連自己的呼吸聲也没有了。他──那位紳士，用每分鐘0.1kb的速度，將他的頭慢慢由前方九十度向左轉望我的方向，重申一點，只有他的頭轉動，他的身子其餘部份絲毫也不動……(待續)
caltex wong
香港陰陽眼協會 公關
多年前因為工作的關係，我跟同事們一行十多二十人到台灣交流。是次交流入住了台北的國x飯店，位置也蠻近書店街，所以有不少旅遊團也會入住這飯店。
那天，我們到步便被分配到十一樓，我跟另一女同事被分配到該層尾二的房間。該房間雖然陽光充足，但我一踏進房間時，便混身不自在，唯有要求換房。各同事知道我要換房紛紛走到我的房間湊熱鬧。他們七嘴八舌地道：
没有什麼不對呀!
看看衣櫃
打開窗簾看看
床頭櫃內的聖誕没有打開哦
衣櫃也没有東西呢
洗手間也清潔好呀
酒店的紳士 (二)
對！一共八位同事到我房間「檢查」起來。這時我只有靜靜的站在電視旁邊，望著一度通往鄰房的一門﹝這房間是相連房，與尾房相連﹞；當他們繼續擾嚷的時候，我靜靜地打開了那扇門……
由嘈雜的房間突然得安靜，只換來幾句耳語：
為什麼會這樣呢？
你還是換房好了
嗯～這樣子～我先回房好了～
我們眼前的是一大片變黃了的「發泡膠」，本來這也没有甚麼特別之處，可能用來阻隔兩房之間的嘈音吧；但這膠板上，佈滿了一條條縱橫交錯的爪痕，由上而下，由左至右，並没有一定規則，但爪痕卻又長又深，尤如巨熊發狂後遺留下來般恐怖，令人不寒而慄。
最後，我們到大堂櫃台查得，尾房是個雜物房，從不外租；而我們換房情房亦竟非常順利並升級到另一層的貴賓房。可是，我卻遇到…… (待續)
caltex wong
香港陰陽眼協會 公關
人們常說天水圍乃臥鬼藏魂之地；起初我也只是聽了了然。
記得有一次新年大家興高采烈忙著去拜年， 我們的目的地就是天水圍。
就是我媽媽朋友家，從小我都稱她為阿姨，關係也親密像親人般。
我還與家人說著笑的話:「新年應當不會有靈界朋友給你拜年吧﹗」
大家還在罵我新年應是喜慶何必說些不吉利的話時，我心頃然有些忐忑不安，
好像真的有什麼事將發生一樣。
當我還在想那年收到的紅封會有多小，沾沾自喜時已不知不覺到達了-天水圍！
步進亞姨家的一剎已嗅到撲鼻而來的陣陣惡嗅！向前望只見到一座其大的魚缸。缸裡只看到大約有六至八條令你覺得一點也不起眼的金魚！當時我也不以為然，心想應該是沒有好好清理魚缸而引致的惡嗅吧！
一輪恭賀說話過後，理所當然就是我最愛的紅包時候了！
正當期待中時發覺背後突然有對充滿著幽怨眼光盯著我。
那感覺好比防盜眼的一樣，我往那走就向著我而來一樣！令你喘不過氣來！
我討厭那被綑綁的約束感！那連紅包未接的我只好往後看，想看清楚什麼東西令我這麼不自在！
回頭看只見到一座樣子廷端莊的佛祖像！
好奇心驅使下的我向後往那佛祖像走去！看過清楚後發覺那佛祖像的雙眼正朝我的去向！
我往那走它就盯著我！左行它就左看，右行它就看著我向那處走！
那天最終我也沒有逗了多少紅封包！
我也不敢再逗留多久！
未幾我便以肚子餓的名義速速離開！紅封也是母親代勞了！
正當坐著的士回家時，我再致電亞姨，問她那佛祖像的來源！
誰瞭那像是姨丈在外工作時-撿回來的！！！
那麼你們認為最終那像應怎處理呢﹖
Pamy Cheung
香港陰陽眼協會 秘書長
細個一般新屋我就好開心，識到新朋友之餘，又有很大地方比我地玩！
當時我同細佬搬入去住既時候得6，7歲。入住頭倆，三年都住得好開心。每日搭車返學放學返屋企！日日如事！
但有日我同細佬如常放學搭小巴返屋企，落車後要步行一段很長既斜路和樓梯才能回到家！當途經垃圾站既時候，發覺有點不對勁，好似有人跟住後面行咁！行到去樓梯處忍不住回頭望。但一個人也沒有！我以為係我既錯覺，我無同細佬講亦都無問佢！到了第二天也是一樣，同一個地方同一種感覺，每次回頭望也是沒有人！我細佬開始覺得我有些不對勁。
回到家時問我：｢點解成日回頭望？｣
我答佢：｢我總覺得成日有人跟住我地後面！｣
細佬一靜再回答：｢家姐，原來你都覺得有人跟住我地！咁話唔話比媽咪知？｣
我：｢梗係唔講！我地咩都睇唔到，咪比阿媽話我地多疑！｣
到最後都係無講到！之後每次放學返屋企，我地選擇以最快既速度跑回家！
直到有一晚，全家人已入睡！我半夜突然醒左想去洗手間，但全屋都熄哂燈柒黑一片，如要去廁所便要行一條好黑既走廍才會到廁所，廁所既右手邊就係廚房。人有三急無理由唔去！我差不多行到之際，我聽到廚房有聲，我以為啲街貓入黎我屋企搵食！但想了一會係無可能，因為我洗完碗後關哂所有窗。無可能有貓可以入到黎！好奇心推使下廁所唔入住，決定入廚房睇睇，當時廚房門無關，咁我咪望入去睇睇！我望到一個好高既黑影企係洗碗盆側邊，我以為眼花再望，佢仲企係度，目無表情面向牆！我立即開燈但佢已經消失左，之後我去完廁所出黎再望一望廚房，他沒有再出現了！
到我第二次再見到他時，已經相隔一年多了，但地點唔同左！依稀記得果一晚係我姑姐出殯，我同屋企人大約九點去到xx殯儀館，入到堂躹躬後，我原本想望我姑姐最後一面，之後媽咪話我細個唔比我入去望，我為有行出去堂出面坐！
我行出去坐係窗口位，從窗口望下去係掘頭路無得行！媽咪睇完姑姐後便行出來陪我，我突然心血來潮望出窗，看見留下有個黑影企係度（係呆企）！我望了很久他還在，咁我咪同媽咪講。
我：｢媽咪點解果個人咁怪，企左係下面好耐又唔郁，更何況果度無路走！｣ 媽咪從我既視線望下去！
她說：｢細佬仔唔好亂講野！｣
我話：｢真係架！｣
之後佢拉我入靈堂坐，唔準我再行出去，直到走為止！
tracy Ma
香港陰陽眼協會 副會長
猛鬼酒店 + 賭場 ~ 澳門新XX 酒店~
當年此賭場酒店客房的藏屍案轟動一時，到今日依間房仍然空置。
據任職酒店客房服務的友人說，他們的人定期打掃時都不敢一個人進去也要拉多一個同時守候在外才願意進房。
事原曾經有位不知情的清潔阿嬸在裡面工作時，門突然自己關閉反鎖，而阿嬸叫天不應叫地不聞一段時間，直到工頭發現阿嬸咁耐都唔見人，便找保安爆門救出清潔阿嬸，此時阿嬸已經嚇到花容失色差點就唔撈。
最後經阿頭再三勸服不需再踏足此層才宣告和解，從此這個房間被員工們視為非請勿進的地方。而聽說深夜客戶服務部有時還會收到此吉房的內線電話；因為沒人告訴我接電話後到底聽到D咩，所以我都不便老作…
而另外講一點關於我以前在此酒店工作時的所聽所聞，當年我剛從國外回澳，第一份公作便是在賭場工作任職角子機服務員，因為賭場的大陪份員工除了需要輪班並且每隔三個月左右便會調離到別的工作地點，而XX 賭場便是我的第二個工作場所，事情發生於某一日的夜班，因為夜場幾乎沒什麼客人由其是我們這邊的角子機場，所以員工都很閒在聊天，當天輪到我坐在櫃台，其他還有倆，三名同事照舊圍過來聊天。而我們的上級也一於少理，當然有時會有再高級點的阿頭突然巡場也並不出奇，如果沒客人那些阿頭都唔會出聲。
但那一次，當我和同事聊天打屁，另一個部門的阿頭很好奇的在我們面前左望右望然後停低，同我地講：｢你地做咩唔招呼客人？｣ 我們當時都嚇了一跳心想有客人？因為場內並不是一眼望晒又四通八達，所以都不以為然以為有人玩緊冇發現都唔奇，直到同事跟從這位上司的方向走過去探看時；同事轉頭向我們表示沒客人啊便直走回我們的地方，這名上級再度上前探看；見他探頭看一下再看回來重覆幾次…他突然臉色一沈！搖搖頭跟我們說沒事了便匆匆離開…
你們認為…他看到了什麼呢?
Becky
香港陰陽眼協會 常務幹事
其實我係一個新移民，我係1987年12月份就黎左香港定居。
當年我9歲左右，我住係深水埗x金商場對面一棟唐樓既某一層套房單位，而我地就住係尾房，當時如果要去廁所就要經過一條長走廊再經過廚房先行到去，其實當時每晚11點左右條走廊燈就比人熄左架，而且燈制係大門口附近，所以個環境都幾暗，我好多時係唔敢去廁所要忍到第二朝，但係有一次我真係忍唔住；迫於無奈都要去囉！但行出去已經感覺d空氣好凍，條走廊盡頭好似有人企左响度。
當時我已經好驚！但無奈我阿爸阿媽都訓左，唯有一路跑去廁所，跟住又砰砰聲跑返上床訓啦！而第二次就係夜晚落街幫阿爸買煙；因為當時D唐樓D樓梯位置係冇燈既關係，大部份係靠街外既燈光照入黎，所以燈光有限，記得有一次如常甘落街幫阿爸落街買煙，買完煙返上樓行到一半既時候我就見到兩個唔係實體既人型企左係樓梯邊，但佢地就好快甘消失左，當時我係嚇到牙關都震晒，跟住我就好快咁跑返屋企，我之後亦都係同一個地方見過佢地一兩次，而我係過度都住左半年左右，88年7月份就搬左去屯門住，亦都冇再見過佢地兩個嘞！
Ray Cheung
香港陰陽眼協會 副會長
我係小學既時候就開始對佢地有感覺！！
記得有次去殯儀館見到！話比阿媽知，她只會説：細佬仔唔好亂講野！
直到有一次近距離接觸！（行前多一步會撞埋去）我阿媽先識驚！！
好記得果一日我係要返學，早上係返啲補習班之類既！下晏我同我契家姐相約去k lunch（你知細個好興架嘛），我地兩個一路食一路唱，玩得好開心之際，我想去洗手間，我問家姐：｢不如你陪我去呀？｣ 家姐：｢你自己一個人去啦！｣
咁死死氣行去！（女廁同男廁係打對面，女廁開左大門男廁一定望到。）當時我眼見女廁大門係大開，4個廁格都開晒門，廁所入面一個人都無，咁我咪入去！（廁所左手邊係洗手盆，右手邊係廁格點知我一入到去我就見到她，我個位置係洗手盆，她係我隔離！我地係平排，如果我一轉右去廁格一定撞到正！當時我選擇扮洗手，之後去廁所，她高我少少，佢咩樣，著咩衫部都清晰可見！
我返到學校同同學講哩件事！佢地問我係咪傻架仲去廁所？！
我只係答佢地，我都唔驚！
我對於佢地黎講，我太過鎮定了！
tracy Ma
香港陰陽眼協會 副會長
第一次去越南. 同行有公公婆婆, 爸爸媽媽和姨媽. 我被編排同姨媽一間房.
Day – 1 (酒店 A)
——————-
我習慣每晚瞓之前會將第二日要用既褲放係sofa / 椅.
第二朝 (day 2) 起身, 竟然唔見左對襪! 對襪明明放係摺好既衫上面.
去得邊呢, 間房咁細? 搵極都搵唔到!
Day 2 (酒店 B)
——————-
下午車左我地去海邊一間新起既酒店, 自己就自由活動.
因為到酒店CHECKIN後好早, 我就先去沖涼.
我涼完涼就到姨媽沖, 我就企係書枱傍邊 (面向房門/浴室, 背向露台) DUP低頭執返好D行李.
突然見到姨媽係我左邊, 由浴室行去露台. 我地兩肩相距唔會多過1尺!
我就好奇怪, 姨媽你做乜行去露台?
然後一望後面… 唔見左姨媽!
姨媽其實仲係廁所沖緊涼!
第一次咁近距離同埋咁清晰見到靈體.
好驚, 驚到喊! 然後衝去隔離我DADDY MAMMY房!
父母.公公婆婆都建議我問下導遊, 因為越南以前打杖, 可能周圍都係亂葬.
個晚都唔敢返自己房.
第二朝問導遊, 佢話唔清楚. 只知道間酒店係"新世界"既.
Day 3 (酒店 A)
——————-
無錯, 又返去酒店 A 住! 今次當然搵唔返對襪啦.
今次唔知係咪知道我無惡意, 所以醒我聽歌!
成晚彈琴比我聽, 搞到我無得瞓.
我叫醒我姨媽, 仲有打電話去隔離房搵我爸媽,
佢地都話無音樂聲.
DAY 4 好安全返港. 有個非常難忘既旅程.
自此之後, 我成日忠告身邊朋友, 唔.好.去.越.南.。
clare lam
香港陰陽眼協會 會員
